BMW i4

Í hnotskurn:

BMW i4 M60 xDrive er lágur og sportlegur fólksbíll með afturhlera og fjórhjóladrifi, sniðinn að þeim sem hafa unun af akstri. Hann er meðal sneggstu og aflmestu bíla á sínu verði.

Afl og snerpa eru hans sterkasta hlið, en hann drífur líka fremur langt og hleður fremur hratt, svo hann ræður vel við ferðalög milli landshluta. Hann má draga 1.600 kg.

Miðað við keppinautana drífur hann þó styttra og skottið er minna. BMW i4 40 xDrive er 2.000.000 kr. ódýrari með sömu drægni og sama rými, og gefur aðeins eftir í snerpu.

i4 M60 er fyrir þá sem setja afl og hraða ofar öllu, en flestum dugar ódýrari útfærslan.