Mercedes-Benz EQE SUV

Í hnotskurn:

Mercedes-Benz EQE SUV 350 4MATIC er stór lúxusjeppi með fjórhjóladrifi sem leggur áherslu á hljóðlátan og mjúkan akstur og vandað innanrými, fyrir þá sem setja þægindi ofar snerpu.

Hann drífur fremur langt miðað við rafbíla almennt, má draga 1.800 kg, og góð hljóðvist og fjöðrun gera langferðir afslappaðar.

Gallarnir eru að hann er mjög dýr, og í sínum verðflokki er hann meðal þeirra sem hlaða hægast og þeirra aflminnstu og drífur styttra en flestir. BMW iX xDrive 45 Sport kostar það sama en drífur 51 km lengra, er mun sneggri og má draga 700 kg meira.

EQE SUV höfðar til þeirra sem vilja ró og lúxus Mercedes, en fyrir sama verð fæst meira annars staðar.