Peugeot e-3008

Í hnotskurn:

Peugeot e-3008 Dual Motor er meðalstór jepplingur með fjórhjóladrifi og djörfu útliti, með sérstæðu ökumannsrými, litlu stýri og bogadregnum skjá. Hann höfðar til þeirra sem vilja þægilegan og hljóðlátan fjölskyldubíl sem sker sig úr.

Í sínum verðflokki drífur hann lengra og er aflmeiri en flestir, og skottið er stærra en hjá flestum.

Gallinn er að hann hleður hægar en flestir keppinautar hans. Skoda Elroq 85x er 500.000 kr. ódýrari, drífur 45 km lengra, hleður með um 30% styttri stoppum og má draga 450 kg meira, en skottið er 118 l minna. Þurfi ekki fjórhjóladrif fæst framhjóladrifinn Peugeot e-3008 fyrir 520.000 kr. minna, með sömu drægni.

e-3008 Dual Motor er álitlegur kostur fyrir þá sem meta drægni, rými og franska hönnun ofar hraðri hleðslu.