Peugeot e-Traveller

Í hnotskurn:

Peugeot e-Traveller er stór fjölnotabíll sem rúmar allt að níu manns. Hann er sniðinn að stórum fjölskyldum eða fyrirtækjum í fólksflutningum sem þurfa mörg sæti og mikið rými á rafmagni.

Stærsti kosturinn er verðið miðað við sætafjölda, enda er hann talsvert ódýrari en aðrir níu sæta rafbílar og sá eini þeirra sem nýtur ríkisstyrks. Í innanbæjarakstri og styttri ferðum sinnir hann stórum hópum á afar hagkvæman hátt.

Að öðru leyti gefur bíllinn mikið eftir. Hann drífur mjög stutt, sérstaklega í vetrarkulda, hleður hægt og er mjög aflítill til að bera svo stóra og þunga yfirbyggingu. Fyrir þá sem ætla að ferðast mikið milli landshluta er Hyundai STARIA Electric heppilegri kostur, en hann býður 49 km meiri drægni, mun meira afl og um 45% styttri hleðslustopp, þótt hann kosti 1.200.000 kr. meira.

Peugeot e-Traveller er hagkvæmasta leiðin í níu sæta rafbíl, svo lengi sem ferðirnar eru stuttar og kröfur um hraða og hleðslu ekki miklar.