Smart #5

Í hnotskurn:

Smart #5 Pro er stór og kassalaga jepplingur, ný stefna hjá merki sem var þekkt fyrir smábíla. Hann hentar fjölskyldum sem vilja mikið pláss og áberandi útlit.

Skottið er með þeim stærstu í sínum verðflokki, 72 l framskott bætist við og hann má draga 1.600 kg, meira en flestir keppinautar hans. Hann er líka sneggri og aflmeiri en flestir þeirra, með stærri rafhlöðu en gengur og gerist.

Á móti kemur að hann hleður fremur hægt á langferðum og er afturhjóladrifinn, sem krefst meiri varkárni í snjó og hálku. XPENG G6 RWD Standard Range er 100.000 kr. ódýrari með um 25% styttri hleðslustopp, en drífur 30 km styttra og skottið er 59 l minna.

Fyrir þá sem leita að rúmgóðum og sprækum fjölskyldubíl sem getur dregið hjólhýsi er #5 Pro fýsilegur kostur, svo lengi sem hraðhleðslan er ekki í forgangi.