Tesla Model 3

Í hnotskurn:

Tesla Model 3 Afturhjóladrif er lágur og rennilegur fólksbíll með skottloki, sparneytinn og lipur, fyrir þá sem vilja mikið fyrir peninginn í fólksbíl frekar en jeppling.

Hann er meðal þeirra langdrægustu, sneggstu og þeirra sem hlaða hraðast á svipuðu verði, og hefur aðgang að hraðhleðslustöðvum Tesla við hringveginn. Skottið er líka eitt það stærsta, 88 l framskott bætist við og hann má draga 1.000 kg, meira en flestir keppinautar hans.

Gallarnir eru að hann er lágur, með litla veghæð og aðeins afturhjóladrifinn, sem hentar síður í djúpum snjó og á malarvegum. Tesla Model 3 Long Range Afturhjóladrif kostar 900.000 kr. meira og drífur 216 km lengra.

Model 3 er einn álitlegasti kosturinn á sínu verði fyrir þá sem aka mest á bundnu slitlagi.