Tesla Model 3

Í hnotskurn:

Tesla Model 3 Long Range er lágur og rennilegur fólksbíll með fjórhjóladrifi, einn sá langdrægasti og sneggsti í sínum verðflokki. Hann hentar þeim sem aka mikið milli landshluta og vilja bíl sem er bæði sparneytinn og snarpur.

Hann hleður hratt, og á langferðum hefur hann aðgang að hraðhleðslustöðvum Tesla við hringveginn. Þótt hann sé fólksbíll með skottloki frekar en hlaðbakur er farangursrýmið stærra en hjá flestum keppinautum hans, og 88 l framskott bætist við.

Á móti kemur að hann er lágur og með litla veghæð, sem hentar síður á malarvegum og í djúpum snjó, og hann má aðeins draga 1.000 kg, minna en flestir þeirra. Þeir sem þurfa meiri dráttargetu gætu frekar litið á Polestar 2 Long Range Dual Motor, sem má draga 500 kg meira, en hann kostar 700.000 kr. meira og drífur 64 km styttra.

Fyrir langferðir á góðum vegum er Model 3 Long Range einn sterkasti kosturinn.