Tesla Model Y

Í hnotskurn:

Tesla Model Y Performance er meðalstór jepplingur sem sameinar hversdagslegt notagildi og sportbílaafköst. Hann hentar þeim sem vilja rúmgóðan bíl en gera jafnframt ríka kröfu um eldsnögg viðbrögð og mikið afl.

Fjórhjóladrifið veitir mikið öryggi í íslenskum vetraraðstæðum og bíllinn drífur lengra en flestir í sínum verðflokki, sem dugar vel milli landshluta. Hann hleður jafnframt hraðar en flestir keppinautar hans og aðgengi að eigin hleðsluneti Tesla gerir langferðir sérlega þægilegar í framkvæmd.

Helsti veikleikinn er verðið fyrir aukakraftinn. Fyrir flesta er Tesla Model Y Long Range Dual Motor mun skynsamlegri kostur, enda býður hann upp á sama fjórhjóladrif og 20 km meiri drægni en kostar 1.000.000 kr. minna. Performance útfærslan er því fyrst og fremst fyrir þá sem vilja óhemju mikla hröðun og eru tilbúnir að borga sérstaklega fyrir hana.