Volvo EX90

Í hnotskurn:

Volvo EX90 Twin Motor Performance er stór sjö sæta lúxusjeppi með fjórhjóladrifi, rúmlega fimm metrar á lengd, sem sameinar skandinavíska fágun, mikið öryggi og mikið afl. Hann hentar stórum fjölskyldum sem vilja rými og þægindi án þess að gefa eftir í snerpu.

Hann er sneggri og aflmeiri en flestir á svipuðu verði, skottið er stærra en hjá flestum þeirra og hann má draga 2.200 kg, sem fáir keppinautar hans jafna. Drægnin er í meðallagi en dugar vel milli landshluta.

Helsti ókosturinn er að hann hleður fremur hægt. Volvo EX90 Twin Motor er 800.000 kr. ódýrari með álíka drægni, og munar þar aðeins um snerpuna, en Kia EV9 GT er 1.800.000 kr. ódýrari, hleður með um 20% styttri stoppum, er með 159 l stærra skott og má draga 300 kg meira.

EX90 Twin Motor Performance er fyrir þá sem vilja sjö sæta Volvo með aukinni snerpu, en flestum dugar ódýrari útfærslan.