Mini Countryman

Í hnotskurn:

Mini Countryman E er fólksjepplingur sem höfðar einkum til þeirra sem heillast af sérstæðum persónuleika og hönnun Mini, en vilja hærri setustöðu og meira pláss en í hefðbundnum smábíl. Hann rúmar fimm manns og smellpassar í daglegan innanbæjarakstur og venjubundin snatt.

Drægnin dugar prýðilega til að sinna öllu hversdagslegu án fyrirhafnar, þótt reikna verði með að hún minnki talsvert í vetrarkulda. Helsti styrkur bílsins felst í sérkennum merkisins, liprum aksturseiginleikum í þéttbýli og frísklegu innanrými frekar en tölulegum yfirburðum.

Hins vegar gefur hann mikið eftir miðað við aðra í sínum verðflokki. Hann er aðeins framhjóladrifinn, fremur aflítill og hleður hægar en flestir á langferðum. Fyrir aðeins 100.000 krónum meira færðu til dæmis Mercedes-Benz EQA SUV 300 4MATIC sem kemur með fjórhjóladrifi sem munar öllu um í íslenskum vetraraðstæðum. Þá er hinn tæknilega skyldi BMW iX1 eDrive 20 heilum 700.000 krónum ódýrari.

Þennan bíl velurðu fyrst og fremst með hjartanu vegna stílsins og útlitsins, en á tæknilegum forsendum finnast mun hagkvæmari kostir.