Opel Grandland

Í hnotskurn:

Opel Grandland er fimm sæta jepplingur sem hentar vel þeim sem vilja látlausan og hagnýtan fjölskyldubíl. Hann leggur áherslu á hefðbundið notagildi og þægindi frekar en óþarfa prjál.

Helsti styrkleikinn er hve mikla drægni maður fær fyrir verðið, en bíllinn er ódýrari á hvern kílómetra en flestir keppinautar hans. Uppgefin drægni dugar prýðilega milli landshluta yfir sumartímann, þótt reikna megi með að hún dragist saman í vetrarkulda eins og ávallt á Íslandi.

Helsti gallinn er hversu aflítill og seinn bíllinn er miðað við aðra í sínum verðflokki, auk þess sem hann er aðeins framhjóladrifinn. Ef hugurinn stendur til öruggara grips í snjó og miklu meiri snerpu er Opel Grandland AWD aðeins 400.000 kr. dýrari. Einnig fæst Peugeot e-3008 á 420.000 kr. lægra verði með svipaða drægni en mun sneggri í sprettinum.

Fyrir þá sem horfa fyrst og fremst í hagkvæma drægni er þetta fyllilega gildur kostur, en fjórhjóladrifna útfærslan heillar líklega mun meira fyrir íslenskar aðstæður.